Ikastaro honen helburua esperientzia turistiko jasangarriak eta berritzaileak sortzearen garrantzia ezagutzea da, enpresen lehiakortasun handiagoa lortzeko oinarri gisa.

Ikastaro honek kultura-ondarea indartzeko eta historian eta benetakotasunean interesa duten bidaiariak erakartzeko estrategiak bultzatu nahi ditu.

Ikastaro honen helburua zikloturismoaren printzipioak eta praktikak ezagutzea da, turismo jasangarriaren alternatiba gisa, bidaia arduratsuak planifikatzeko tresnak eskainiz, haien eragin positiboa baloratuz eta sektore hori garatzen lagunduz.

Ikastaro honen helburua esperientzia enogastronomikoa zer den jakitea da, helmugan eta enpresan esperientzia bat garatzeko zer elementu hartu behar diren jakitea, eta, aldi berean, turismoaren joera berriei buruz ikastea eta turisten beharrak ase ditzaketen produktu eta esperientzia turistikoen diseinua planteatzea.

Ikastaro honen helburua produktu eta esperientzia ekoturistikoen garapenak eta produktu jasangarrien garapenak dituzten ezaugarriak eta onurak ezagutzea da, eta, aldi berean, turismoak ingurumenean eta tokiko biztanlerian duen eragina aztertzen da.

Ikastaro honen helburua parte-hartzaileak Done Jakue Bidearen esperientzian oinarritutako produktu turistiko berritzaile eta jasangarrien diseinuan trebatzea da. Bideari lotutako eskaintza turistikoa indartu nahi da, kultura-, espiritu- eta paisaia-balioak integratuz, erromesaren benetakotasuna, iraunkortasuna eta gogobetetasuna kontuan hartuz.

Ikastaro honetan, parte-hartzaileek banaketa zer den, banaketa-estrategia batek nola funtzionatzen duen, banaketa-motak eta banaketa-kanalak nola funtzionatzen duten identifikatu ahal izango dute. Horrez gain, turismo-esperientziak saltzeko atari nagusiak eta kanaletan erabil daitezkeen komunikazio-teknika batzuk ezagutzeko aukera izango dute.

Ikastaroan, parte-hartzaileek bezero mota ezberdinak ezagutu ahal izango dituzte, bezeroaren arretarako zerbitzuaren kalitatearen garrantzia eta bezero bat kontserbatzeak duen garrantzia. Azkenik, parte-hartzaileek erreklamazioa fidelizazio tresna gisa nola erabili ditzaketen ikasiko dute. 

Online prestakuntza ikastaroetan ikasitakoa aplikatzeko tailer bat egingo da.

Tailer hau, turismo-esperientziaren kostuak eta prezioak finkatzera, komunikazio- eta salmenta-estrategia eta turismo-esperientziak paketizatzera bideratuta dago.

Tailer hau parte-hartzaileak gaitzeko diseinatuta dago networking eta turismo-sustapeneko ekitaldiak prestatzen, gauzatzen eta estrategikoki aprobetxatzen jakiteko. Ikuspegi praktiko baten bidez, bertaratutakoek funtsezko teknikak ikasiko dituzte gune horietan duten eragina maximizatzeko, aliantza eraginkorrak sortzeko eta beren eskaintza turistikoa modu profesional eta erakargarrian sustatzeko. Edukiak teoria eta praktika uztartzen ditu, komunikazio-trebetasunak garatzea, balio-proposamenak diseinatzea eta turismo-sektorean lotura garrantzitsuak sortzea du helburu.